Home Blog

Off Page Seo kya hai? Off Page Seo kaise karte hain?

1
off page seo kya hai

Off Page Seo kya hai? Off Page Seo kaise karte hain?

Namaskaar Dosto, apka bahot bahot swagat hai Hindimaihelp.com pe. Aaj hum sikhenge ki Off Page Seo kya hota hai, On Page Seo ke Baare mai maine apko pichle article mai hi bata diya hai agar apne vo article abhi tak nahi pada toh please phele On Page Seo ke baare mai mera pichla article pado kyuki vo article apke liye kaafi useful hai. And vaise bhi Off Page Seo hamesha On Page Seo ke baad kari jaati hai. Toh Chaliye dekhte hain ki “Off Page Seo kya hai” and Off Page Seo karna kyu jaruri hai.

Off Page Seo karna bahot jaruri cheez hai kyuki Off Page Seo se apki website ka ek base banta hai. Off Page Seo se traffic mai kaafi improvement hoti hai.

Off Page Seo kya hai?

Off Page Seo article publish karne ke baad kaam aati hai. Iss Seo ko On Page Seo ke baad kiya jata hai. Ye bhi Taffic increase karti hai and Apki website ka ek strong base banati hai.

Aaj mai apko Step by Step Off Page Seo ke baare mai bataunga ki apko article publish karne ke baad kya kya karna hai taki apki website pe acha khasa traffic aa jaye. Toh chaliye dekhte hain ki Off Page Seo kaise karte hain.

1. Url Submit karna

off page seo kya hai

Article publish karne ke baad apka sabse phele kaam hai ki apko uss article ka link google pe submit karna hai. Agar apko nahi pata ki kaha submit karna hai toh click here. Google pe link submit karna bahot jaruri hai kyuki google new new article ko index karne mai kam se kam 1 se 2 din leta hai but agar apne link khud hi submit kar diya toh vo article 10 se 15 minute mai hi index ho jayega. Google link submit karne ke baad, Ab apko baaki bache search engines pe link submit karna hai. Ek ek karke sabhi search engines pe link submit karna thoda mushkil kaam hai isliye maine apke liye ek website dhundi hai jaha aap log ek baari mai sabhi search engines pe link submit kar sakte hai. Toh ek sath link submit karne ke liye click here.

2. Web Directories Submit Karna

off page seo kya hai

Web Directories pe apni website submit karna bahot important hai. Ye karke apko instantly traffic toh nahi milega but apko iska result 2 se 3 mihino ke baad dikhai dega. Web Directories pe apko apni website ka url dena hoga hai, naaki sabhi article ka link. Web Directories websites kaa naam apko google pe search karke aram se mil jayega, nahi toh aap log mujhe niche cooment box mai bhi puch sakte hai main apko sabhi websites ka link provide kara dunga.

3. Social Media Share

off page seo kya hai

Ab apko sabhi social media platform pe apna new article share karna hai. Ye step apki website ko promote karne ke liye kaafi important hai and iss step se apko apni website pe instant traffic bhi milega. Aap log Facebook, Twitter, Google Plus and other social media platform pe apna article share kar sakte hain. And aap log Google Plus pe jada focus kare, kyuki Google Plus pe instant traffic milta hai. Ap Google Plus pe ek article kam se kam din mai 10 bar share kare.

4. Backlinks banana

off page seo kya hai

Backlink banana inn sabhi steps mai sabse important step hai. But apko ek din 5 backlinks hi banane hai and isko continue karna hai. Roj roj 5 backlinks banana apka target hona chahiye, Na jaada na kam.

Inn Sabhi steps ko agar aap log hamesha follow karenge toh apki website ka traffic bahot jaldi improve ho jayega. Ab mai apke sath kuch tips share karunga jo apko yaad rakhni hai and follow karni hai. Iss page ko aap log bookmark kar liye taaki aap log koi bhi cheez bhule toh ye article open karke apko vo cheez yaad aa jaye.

1. Sabse phele toh apko decide karna hai ki apko article kab kab post karna hai. Agar aap daily post karna chahte hai toh daily post kijiye, agar aap 2 din mai ek baar post karna chahte hai toh aise hi kijiye. And agar aap week mai ek baar post karna chahte toh week mai ek baar post kijiye. But phele decide kar lijiye and iss frequency ko follow kijiye. But mai apko suggest karunga ki aap log daily ek article post kijiye and daily hi Off Page Seo ke saare steps follow kijiye.

2. Apke Article mai kam se kam 2 se 3 Images toh honi ki chahiye, Kyuki image hone se visitor ko article ko achi tarha samajne mai asani hoti hai. And images se visitor ko idea milta hai ki kon si cheez kaise karni hai.

3. Apka Article kam se kam 700 se 100 Words ka hona chahiye, but agar aap acha likhte hain toh apko 2500 words tak ka article likhna chahiye. Article ki length jitni jaada ho utna ki Seo ke liye acha hai. Kyuki Google and baaki saare search engines jada words vaale article ko first priority dete hain. And Vistors ko bhi achi tarha se information mil jati hai.

4. Hamesha low competition keywords pe hi kaam kaare, kyuki high competition keywords ko rank karana bahot mushkil hai and agar keyword rank hi nahi hoga toh traffic aana bhi bahot mushkil hai. Isliye main apko yehi kahunga ki aap hamesha low competition keywords pe hi kaam kaare taaki keywords rank bhi jaldi ho jaye and traffic bhi jaldi se aane lage.

Umeed karta hu ki apko ye article acha laga hoga. Agar apko koi bhi question hai toh aap log vo question mujhse niche comment box mai puch sakte hain apke question ka answer mai jarur dunga. And next article mai apko kiss cheez ke baare mai janna hai vo bhi aap log niche comment box mai bata sakte hai. And agar ye article apko acha laga toh iss article ko apne dosto ke sath share karna mat bhulna and iss website ko bookmark karlo kyuki yaha apko aane vale time mai kaafi ache ache article milne vaale hai. Toh Chaliye dosto milte hain agle article mai tab tak ke liye B Bye.

On Page Seo kya hai? On Page Seo kaise karte hain?

2
On Page Seo kya hai

On Page Seo kya hai? On Page Seo kaise karte hain?

Namaskaar Dosto apka bahot bahot swagat hai hindimaihelp.com pe, Aaj hum On Page Seo ke baare mai baat karenge ki On Page Seo kya hai and on page seo ko properly kaise kiya jata hai. Dosto agar apki website pe traffic kam hai and apne apni website ke liye backlinks bhi kaafi saare baana liye fir bhi koi farak nahi pad raha hai toh shayad apne Seo mai koi kami chhod di hai. Apne apke article ko On Page Seo nahi kiya hai shayad, ya agar kiya hai toh properly nahi kiya. Toh Chaliye On Page Seo ke baare mai batane se phele mai apko btata hun ki Seo kya hai and Seo kitne types ke hote hai taki apko Seo karna properly aa jaye.

Seo Kya hai?

Seo ki full form hai Search Engine Optimiztation. Toh Jaise ki apne dekha ki Isme “Search Engine” Word aa rha hai and sath mai “Optimiztation” word aa rha hai. Search engine kya hai, Google, Bing and etc., Search Engine kya karta hai ki internet pe jitna bhi content hai usko properly index karta hai and fir apko jo most relevant result hai vo show karta hai. Optimiztation ka matlab ye hai ki aap apni website ko search engine ke according optimize kare and apni website ko search engine ke top results mai leke aaye. Iss process ko bolte hain “Seo”. Iss article mai ‘On Page Seo kya hai? On Page Seo kaise karte hain?’ apko Seo se related saari jankari mil jayegi.

Seo kitne tarike ke hote hain?

Dosto Seo 2 type ke hote hain phele hota hai “On Page Seo” and dusra hota hai “Off Page Seo”.

On Page Seo – Jaise ki naam se hi pata chalta hai ki On Page Seo kya hai. Jab hum apni website ke liye koi article type karte hain and usko post karte hain, Uss time On Page Seo ka istemal kiya jata hai. On Page Seo jaise ki Page Titles, Meta Description, Meta tags, Url Structure, Body Tags, Keyword Density, Image Seo and internal Linking.

Off Page Seo – Jab hum apni website ke liye article likh kar usko publish kar chuke hote hain uske baad Off Page Seo kiya jata hai. Off Page Seo jaise ki Social Media Engagement, Forum Submission, Creating Backlinks, Blog Directory Submission, Article Submission and Question & Answer.

Umeed hai ki aap logo ko Seo ka overview thoda bahot samaj aaya hota. Toh chaliye ab mai apko btata hu ki aap log apne article ko publish karne se phele fully On Page Seo kaise kare. Inn Points ke aap log notes bhi bana sakte hain and ya toh iss website ko bookmark kar lijiye taaki jab bhi aap log On Page Seo kare toh koi bhi Point miss na ho jaye. Kyuki On Page Seo Kaafi jaruri hai apke article ko google pe rank karane ke liye.

On Page Seo Kaise Kare?

Mai iss article mai WordPress platform ka use karunga content publish karne ke liye and Seo ke liye mai “Yoast Seo” Plugin ka use karunga. Aap bhi iss plugin ka use kar sakte hain ye bilkul free hai. Toh Chaliye dekhte hain ki “On Page Seo kya hai? On Page Seo kaise karte hain?”.

1. Sabse phele apko apne article ke anusar title choice karna hoga uske liye aap thodi bahot keyword researching kar lijiye. Keyword Researching ke liye aap apne chrome browser mai Keyword everywhere extension ho use kar sakte hain. Keyword Choice karte time apko dhiyan dena hai ki apke keyword ka volume acha ho and competition bhi kaafi kam ho. And short keyword choice na karein kyuki short keyword pe competition kaafi jada hota hai but longtail keyword pe apko volume bhi milta hain and competition bhi bahot kam hota hai.

On Page Seo kya hai

2. Keyword choice karne ke baad apka sabse phela step hai ki aap title type kare title ke colume mai. Title mai apka main keyword hona chahiye.

3. Toh apka title ready ho gya hai. Ab apko content likhna hoga. Apka content 500 words se uppar hona chahiye, but agar aap ek ache writer hain toh aap 1500 se 2500 words ka content bhi likh sakte hain. Kyuki jada words ka article Seo ke liye kaafi acha hota hain.

4. Content likhte samhe apko Apna pura Title content mai 3 Baar repeat karna hai, Sabse phele content ke top mai uske baad content ke bich mai and uske baad content ke last mai.

5. Content pura likhne ke baad apko niche scroll down karke Yoast Seo plugin ka uss karke apna focus keyword dalna hoga jo keyword apne choice kiya hai vo aap yaha dal dijiye. Keyword dalne ke baad agar Yoast Seo plugin ka Green color indicator show ho raha ho toh iska matlab hai ki apne On Page Seo properly kar liya hai. But agar orange ya red show ho raha hai toh saari cheeze ek baar fir se cross check kar lijiye.

On Page Seo kya hai

 

6. Ab last mai apko apne article mai kuch images add karni hai. Images add karte time apko ek cheez ka dhiyan rakhna hai ki, ap jitni bhi images add kar rahe ho unn sab ke “alt text” mai apko apna title paste karna hai. Ye bhi ek Seo ki trick hai ye kaafi useful hai.

On Page Seo kya hai

7. Saari cheeze properly karne ke baad ap apna article publish kar sakte hain. And Article publish karne ke baad article ke url ko khud hi directly google and baaki saare search engines ke submit kar dijiye, kyuki google and baaki search engine’s ko apke article tak pahochne ke liye 1 se 2 din lag jaate hain. But agar aap directly url submit kar dete hain toh vo article 10 se 15 minute mai search engine pe index ho jayega. Google pe article submit karne ke liye click here and baaki search engines pe article submit karne ke liye click here.

Toh Dosto aaj iss article mai bus itna hi, agar apko koi question hai toh aap niche comment box mai apna question puch sakte hain. Main apke questions ka answer jarur dunga and agar apko se article useful laga toh please isko share karna na bhule.

Dosto aap mujhe social media pe bhi follow kar sakte hain and social media pe bhi questions kar sakte hai. And Please mujhe niche comment box mai bataye hi apko next article kiss topic pe chahiye. Please Comment Below.

On Page Seo kya hai? On Page Seo kaise karte hain?

Fiverr kya hai? Fiverr se paise kaise kamaye?

2

Namaskaar dosto, Mera naam Verendder Singh hai aur main apka bahot bahot swagat karta hu meri website hindimaihelp.com pe. Dosto aaj main apko batunga ki fiverr kya hai and fiverr se paise kaise kamate hain. Dosto agar aap bhi ghar baithe fiverr se paise kamana chahate hain toh iss article ko pura read kare kyuki iss article mai apko fiverr se paise kamane ke baare mai puri jankari mil jayegi and main apko kuch tips bhi batunga jiski madat se aap log jaldi se fiverr se jada income kar sakte hain.

Fiverr kya hai?

Fiverr ek website hai jaha services kharidi or beki ja sakti hai. Fiverr ki khaas baat ye hai ki yahan aap minimum $5 mai bhi cheeze kharid or bech sakte hain. Dosto internet pe hazaro logo ko kuch na kuch chahiye, kisiko apni company ke liye logo banvana hai or kisi ko apna business promote karvana hai email and sms karvake, koi apni website design karvana chahta hai or koi video editing karvana. Ye sabhi log fiverr pe jaake dhundte hain ki koi unka kaam saste mai karde. Toh dosto agar apko koi bhi kaam aata hai toh aap vo kaam karke fiverr se paise kama sakte hain.

Chaliye dekhte hain ki fiverr pe account kaise banate hai.
1. Sabse phele toh apko fiverr ki website pe jana hoga. Click here fiverr.com


2. Website pe jane ke baad apko uppar right corner mai “join” ka button dikhai dega uspe click kijiye. Click karne ke baad apse apki email id puchega.


3. Aap apni email id dal kar continue pe click kar dijiye, Ab apse user name and password puchega. Aap apne hisab se koi bhi username and password dal dijiye jo apko yaad rahe.
4. Saari cheeze fill karne ke baad last mai join ke button pe click kar dijiye. Bas apka account fiverr pe ban chuka hai. Par fiverr pe kaam start karne se phele apko apka account activate karna hoga.
5. Account activate karne ke liye apko apni email id open karke fiverr ki mail ko open karna hoga. Mail open karne ke baad aap dekh sakte hain ki vaha ek “activate your account” ka button hoga.
6. Uss button pe click karke aap apna fiverr account activate kar lijiye. Apka fiverr ka account ab puri tarha ban chuka hai.

Dosto ab apko fiverr pe kaam karne ke liye fiverr pe gigs banani hogi. Gigs matlab hai ki aisa kya kaam hai jo aap kar sakte ho or aap uss kaam ke kitne paise lena pasand karoge. Chaliye main apko kuch gigs ke exmaple deta hu jisse apko idea milega ki aap fiverr pe kya kya kaam kar sakte ho.
1. I will create logo for your website or for your business.
2. I will create thumbnail for your youtube video.
3. I will write an article for your website.
4. I will design your website.
5. I will create your website.
6. I will post your post on my facebook page or instagram.(its called shoutout)
7. I will make presentation for you.
8. I will distribute flyers for you.
9. I will send emails and sms for you.
10. I will edit video or photograph for you.
Tips:- Dosto apke gig ka starting price $5 hona chahiye and jitne jaada gigs aap bana sakte hai banaiye.

Umeed hai ki apko gigs kaise banani hai iska idea mil gya hoga. Ab aap kam se kam 10 gigs apne fiverr account pe list kar lijiye and wait kijiye apne first order ka. First order aate hi apko ye order time pe complete karke customer ko deliver karna hoga aur yaad rahe order deliver karte time customer se feedback ke liye jarur bole. kyuki apki gigs pe jitne reviews honge utni hi jaldi apko naya order milega.

Order Complete hone ke baad aap payment apne bank account mai directly manga sakte hai but main apko suggest karunga ki aap payment paypal ke jariye apne bank account mai mangaye kyuki paypal ki payment normal payment se fast hai. Chaliye dosto iss article mai bas itna hi agar apko iss article mai koi bhi question hai toh please niche comment box mai apna question puchiye main apke questions ka jawab jarur dunga kyuki aap logo ko sahi jankari dena hi toh mera kaam hai. And next article kis ke uppar hona chahiye ye bhi niche comment box mai type ki jiye.

How to install woocommerce plugin in wordpress in hindi

0

Namaskaar dosto, apka bahot bahot swagat hai Verendder News mai. Aaj mai apko woocommerce plugin ke baare mai batunga ki woocommerce plugin ka kya use hai and isko install kaise karte hain.

Woocommerce plugin e-commerce website ko create karne ke liye use hota hai. Iski madat se aap ek kafi achi khaasi e-commerce website bana sakte hain. Iss Plugin koi bhi use kar sakta hai iska koi bhi charge nahi hai ye bilkul free of cost hai. Toh chaliye dekhte hain ki iss plugin ko kaise install kiya jata hai.

How to install Woo Commerce Plugin (Step by Step)

Step 1. Sabse phele aap apni website ke wordpress account mai login kar lijiye. Uske baad apko plugin install karne se phele check karna hoga ki apki current theme woocommerce supported hai ya nahi.

Step 2. Agar apki theme supported nahi hai toh koi baat nahi woo commerce supported kafi themes free of cost hai, Aap unn theme ko install kar sakte hain.

Step 3. Theme install karne ke liye Appearance mai Theme pe click kijiye and then New Theme pe click kar dijiye. Fir search box mai type kijiye Woocommerce and enter kar dijiye.

Step 4. Enter karne ke baad apke samne kaafi saari theme show hongi. Ye saari theme woo commerce supported themes hai toh aap koi bhi theme activate kar sakte hain.

Step 5. Theme activate karne ke baad, Plugin ke section mai jaake add new plugin pe click kijiye and search box mai type kijiye woocommerce and sabse phela plugin show hoga woo commerce ke naam se, usko install kar lijiye.

Step 6. Install karne ke baad apke samne woo commerce ka ek setup form show hoga. Iss form ko fill out karke aap apni website pe apna first product add kar sakte hain.

Agar apko installation ke process mai koi nhi problem hai toh maine apke liye iss topic mai ek video bhi banai hai toh aap iss video ko bhi dekh sakte hain. Video apko niche mil jayegi. Thank you so much for reading this article.

Step by Step Video

How to generate and submit sitemap on google and bing

0

Namaskaar dosto, apka bahot bahot swagat hai humari website verendder.com mai. Aaj mai apse ek bahot important topic ke baare mai baat karunga jiska naam hai “How to generate and submit sitemap on google and bing”.

What is sitemap?

Sitemap apki website ke saare pages and unn pages ki information collect karke google search and other search engines ko inform karta hai jiski madat se apki website properly rank hoti hai.

How to Generate Sitemap?

Sitemap generate karna bahot simple hai iske liye apko apni website ka wordpress account open karna hoga. Then plugins mai jaake add new plugins pe click kijiye, And search box mai type kijiye Google XML. Google XML naam se top pe ek plugin show hoga, usko install karke activate kar lijiye. Activate karne ke baad setting mai jaake generate sitemap pe click karke aap sitemap generate kar sakte hain.

How to Submit Sitemap on Google and Bing?

Google pe sitemap submit karne ke liye apko Google webmaster tool pe jaana hoga, agar apko nahi pata ki google webmaster tool pe kaise jaana hai toh click here pe click kijiye aap directly google webmaster tool ki website pe pahoch jayenge. Website pe pahoch kar apko sabse phele apni website add karni hai, add site pe click karke apni website ka url dal dijiye apki website add hojayegi and then apko uss website ko verify karana hai. Verify karane ke baad kuch nahi karna bas apna sitemap ka link joki apne generate kiya hai vo Google webmaster tool mai paste karke submit kar dena hai. Bas thats all, apka sitemap google pe submit ho chuka hai ab issi tarha se apko Bing webmaster tool pe bhi apna sitemap submit karna hai.

Dosto website ka sitemap google and bing pe submit karna bahot important step hai, iski madat se apki website kaafi jaldi google and bing pe rank hoti hai. And agar iss article mai aise koi bhi cheez hai jo apko samjh nahi aii toh maine apke liye iss topic pe ek video bhi banai hai aap uss ko dekh kar apni website ke liye sitemap araam se generate kar sakte hai. Video apko niche miljayegi.

Step by Step Video

Download copyright free image and video in hindi

0

Namaskaar dosto, Aaj mai apko bataunga ki aap apni youtube videos ke liye copyright free images and video kaha se download kar sakte hai. Dosto copyright free images apne youtube channel pe use karna bahot jaruri hai kyuki agar aap copyright free images use nahi karte toh chances hai ki apke channel copyright strike aa sakti hai. Toh mera suggestion yahi hai ki agar apko apni video mai koi bhi images ya video use karni hai toh copyright free hi use kare.

Aaj mai apko aisi 4 websites ke baare mai bataunga jaha se aap copyright images use kar sakte hain. Inn sabhi websites se images and video download karna bilkul free hai and apko kuch bhi download karne ke liye register ya sign up karne ki koi jarurat nahi hai aap directly download pe click karke images ya video download kar sakte hain.

Websites:-

  1. Pexels
  2. Pixabay
  3. Videvo
  4. Video Pexels

Dosto ye sabhi website best websites hai and mujhe ye sabhi websites isliye pasand hai kyuki iss websites ki koi bhi images ya videos download karne pe watermark nahi aata ye cheez koi aur website provide nahi karti. Inn sabhi websites ye aap log unlimited images and videos download kar sakte ho without registration, without sign up, without watermark and absolutly free of cost with ease.

Agar apko iss topic ka step by step tutorial dekhna chahate hain toh maine iss topic pe ek video bhi banai hai aap niche scroll down karke uss video ko bhi dekh sakte hain. Umeed karta hu maine jo apko sikhane ki koshish kari hai toh kaamiyab hui.

Step by Step Video

How to create Disclaimer page for website in hindi

0

Namaskaar dosto, phichle article mai maine apko bataya tha ki aap apni website ke liye privacy policy page kaise create kar sakte hain. Aaj iss article mai main apko batunga ki aap apni website ke liye Disclaimer page kaise bana sakte hain.

Dosto agar aap apni website pe google adsence apply karne ki soch rahe hain toh apki website pe Home Page, Contact Us Page, About Us Page, Privacy Policy Page and Disclaimer Page hona compulsary hai.

How to create Disclaimer Page for website in hindi

Step 1. Sabse phele aap apni website ka wordpress account open kar lijiye and fir ek new tab open karke google pe type kijiye easyriver. And easyriver website ko open kar lijiye. Click here to open easyriver website.

Step 2. Easyriver website open hone ke baad website ke home page pe free utility pe click kijiye and then new page open hone ke baad disclaimer builder pe click kijiye.

Step 3. Ab apke samne ek new page open hoga vaha sabse phele apse apki website ka naam puchega, then 2nd option mai apse company name puchega vaha bhi aap site ka naam daal sakte hain, 3rd option mai apse country name puchega and last 4th option mai apse apki email id mangega.

Step 4. Pura form fill karke aap direct “Make my Disclaimer” button pe click kar dijiye. Click karne ke baad apke samne ek new page open hoga vaha apke liye apka disclaimer page ready hai.

Step 5. Ab apko simply saara content copy karke apne wordpress account pe new page Disclaimer naam se create karke paste kar dena hai and then apne page ko publish kar dena hai.

Umeed hai ki apko ye article pasand ayega and koi apko iss article ki video bhi dekhni hai toh maine iski video bhi banai hai. Aap niche scroll down karke iski video bhi dekh sakte hain.

Step by Step Video

How to create Privacy Policy Page in 5 Minute [Hindi]

1

Nasamkaar dosto, aaj mai apko bataunga ki Privacy Policy page kaise banate hai. Agar aap apni website ya apne blog pe google adsence apply karna chahate hain toh apki website pe 5 Pages hona compulsory hai. Home page, Contact us page, About us page, Disclaimer page and Privacy Policy page. Aap hamesha yaad rakhe ki agar apki website pe ye pages hai toh aap adsense ke liye apply kar sakte hain but agar apki website pe inme se ek bhi page nahi hai toh please phele vo page bana le fir uske baad adsense ke liye apply kare.

Toh dosto aaj mai apko bataunga ki aap Privacy Policy page kaise create kar sakte hain and vo bhi sirf 5 minute mai.

Step 1. Sabse phele aap apna wordpress account open kar lijiye ya fir aap agar aur koi web builder use karte hain toh vo hi open kar lijiye.

Step 2. Uske baad apko ek new tab mai google pe search karna hai easyriver. Aur aap iss link pe click bhi kar sakte hain.

Step 3. EasyRiver ka home page open hone ke baad vaha pe niche free utility ka option hoga uspe click kijiye and apke baad next page pe Privacy Policy pe click kijiye.

Step 4. Privacy Policy pe click karne ke baad ek page open hoga vaha apse 3-4 cheeze puchega. 1st option mai apse apki website ka naam puchega “Verendder News”, 2nd option mai apse apki email id puchega “verenddernews@gmail.com”, 3rd option mai apse puchega ki apki website ka content under 18 hai ya 18+ hai agar koi condition nahi hai toh uss option ko “Exclude Clause” hi rahene de.

Step 5. 3rd option ke baad apse feedback and apki email id reenter karke ke liye bolega toh ye dono cheez enter karke “Create my Privacy Policy” button pe click keliye.

Step 6. Button pe click karte hi ek new window open hogi vaha privacy policy ka saara content hoga usko all copy karke apne wordpress account pe aake Privacy Policy naam se new page create karke vaha saara content paste kar dejiye.

Step 7. Yaad rahe ki agar aap wordpress use kar rahe hain toh ye saara content visual mai nahi text mai paste karna hai kyuki iss content mai html codes hain.

Umeed karta hun ki apko ye article pasand aaya hoga, agar phir bhi apko koi bhi asia point hai jo samjh nahi aaya toh maine apke liye iss topic pe ek video bhi banai hai aap scroll down karke uss video ko bhi dekh sakte hain.

Step by Step Video

 

Canva thumbnail tutorial in hindi

1

Namaskaar dosto, last article mai humne sikhata ki fotojet ki madad se youtube video ke liye thumbnail kaise banate hain. Aaj iss article mai main apko batunga ki aap canva website ko use karke apni youtube video ke liye free and attractive thumbnail sirf 2 minute mai kaise bana sakte hain.

Dosto kafi naye youtubers ek galti kar dete hain jiski wajha se unki video pe views bahot kam aate hain. Vo apni video ke liye custom thumbnail create nahi karte. Dosto jab tak viewer ko apki video ka thumbnail and title attractive ya usefull nahi lagega jab tak vo video kyu play karenge. Apko apni video ke thumbnail ko attractive banana bahot jaruri hota hai. Aap kisi bhi bade youtubers ki video dekho sab ke sab custom thumbnail hi use karte hain.

Canva thumbnail tutorial

Step 1. Sabse phele aap canva ki website open kar lijiye. Click here to open Canva.

Step 2. Canva ka homepage open hone ke baad, agar apka already account hai canva pe toh aap directly login kar sakte hain, nahi toh aap sign up bhi kar sakte hain.

Step 3. Signup karne ke liye apko personal pe click karke apni email id ya facebook account use karte hue signup karna hoga.

Step 4. Login karne ke baad ek page open hoga jisme apse category puchega toh vaha aap graphic design pe click kar dijiye. Click karne ke baad next page ko skip kar dijiye.

Step 5. Skip karne ke baad apke samne kafi saare design aa jayenge vaha apko scroll down karke “Youtube Thumbnail” design pe click karna hai.

Step 6. Click karne ke baad edit panel open ho jayega vaha aap apni video ke liye kisi bhi tarike ka thumbnail use kar sakte hain.

Step 7. Aap template use kar sakte hain, background change kar sakte hain, apni khud ki picture upload kar sakte hain, text edit kar sakte hain ya new text add bhi kar sakte hain, text ka color, font and size bhi adjust kar sakte hain.

Step 8. Thumbnail banate waqt dhiyaan rakhe ki thumbnail attractive toh hona hi chahiye but sath ke sath apki video ke content se match bhi hona chahiye. Thumbnail ko attractive banane ke chakkar mai jada tar log apni title and video ke content se bilkul hi agal thumbnail bana lete hain. please keep it in mind.

Step 9. Proper thumbnail banane ke baad aap download pe click karke png ya jo apko chahiye uss format mai download kar sakte hain.

Dosto umeed hai ki apko ye article pasand aaya hoga. Agar apko koi bhi point samjh nahi aaya ya aap iss pure process ko pratically dekhna chahate hain toh maine iss topic pe ek video bhi banai hai aap niche scroll down karke uss video ko bhi dekh sakte hain.

Step by Step Video

Create attractive thumbnail in 2 minute for Youtube video in hindi

0

Namaskaar dosto, aaj mai apko batunga ki aap apni youtube video ke liye custom thumbnail kaise create kar sakte hain vo sirf 2 minute mai. Dosto aaj ki date mai kafi log youtube se jud gaye hai and vo tarha tarha ki videos bana kar youtube pe dalte hain, but unki video pe views bahot kam aate hain. Iska ek reason thumbnail bhi ho sakta hai. Kyuki jab tak viewers ko apka thumbnail attractive ya usefull nahi lagega tab tak chances kam hai ki vo apki video dekhtenge, infact agar apka thumbnail proper nahi hoga jab tak viewer apki video ko play tak nahi karenge. Apki video ka content kitna bhi usefull ho but sath ke sath ki apka thumbnail bhi usefull and attractive hona chahiye. Atleast viewer ko apka thumbnail dekhkar pata toh chale ki apki video kis baare mai hai.

Toh chalo dosto aaj mai apko batata hu ki aap free mai attractive and usefull thumbnail kaise create karenge vo bhi sirf 2 minute mai.

Dosto free and without watermark thumbnail create karne ke liye aaj mai apko 2 website ke baare mai batunga. 1st is “Fotojet” and 2nd one is “Canva”.

Step by Step Guide

Step 1. Sabse phele aap apna browser open karke fotojet website open kar lijiye. Click here to open Fotojet website.

Step 2. Website open karne ke baad apse phele apko login karna hoga. Agar apka account nahi hai toh apka signup pe click karke ek new account create karna hoga. Then fir ussi account se login kar lijiye.

Step 3. Login karne ke baad apke top left corner pe design likha hoga, uspe click kar lijiye. Design pe click karne ke baad apke samne kafi saare options and designs open ho jayenge.

Step 4. Unn sabhi designs mai se apko youtube art ko select karna hai. Uske baad apke samne new window open ho jayegi.

Step 5. Aap yaha se koi bhi layout select karke usko apni marzi se edit kar sakte hain. Aap apki khud ki picture bhi add kar sakte hain photo pe click karke and aap apna koi bhi text likh sakte hain text pe click karke.

Step 6. Aap purana text delete karke naya text enter kar sakte hain and uss text ka color, size and font bhi change kar sakte hain. Aap ek attractive thumbnail create kar lijiye apne hisab se.

Step 7. Last step mai apko uppar save button pe click karke uss thumbnail ko JPG ya PNG format mai download kar sakte hain.

Dosto same isse tarike se aap Canva pe bhi thumbnail create kar sakte hain. Dono website almost similer hai but mai jadatar Fotojet hi use karta hu. Agar apko Canva se thumbnail create karna hai toh Click here to open website.

Dosto mujhe umeed hai ki apko ye article pasand aaya hoga, toh please isko share kare apne sabhi dosto ko jinko thumbnail create karne ki jarurat hai.

Agar apko iss article mai koi bhi aisa point hai jo samjh nahi aaya toh maine apke liye ek video bhi banai hai aap scroll down karke niche di gayi video bhi dekh sakte hain.

Step by Step Video

APPLICATIONS

HOT NEWS

On Page Seo kya hai? On Page Seo kaise karte...

On Page Seo kya hai
On Page Seo kya hai? On Page Seo kaise karte hain? Namaskaar Dosto apka bahot bahot swagat hai hindimaihelp.com pe, Aaj hum On Page Seo...